Kabhi Moum Ban K Pighal Gaya
Kabhi Girty Girty Sambhal Gaya
Woh Ban K Lamha Guraiz Ka
Meray Pas Se Youn Nikal Gaya
Usay Rokta B To Kis Tarha
K Woh Shaks Itna Ajeeb Tha
Kabhi Tarap Utha Mari Aah Se
Kabhi Ashak Se Na Pighal Saka
Sar-e-Rah Mila Wo Agar Kabhi
To Nazer Chura K Guzar Gaya
Wo Utar Gaya Mari Ankh Se
Mere Dil Se Kyun Na Uter Saka
Woh Chala Gaya Jahan Chor K
Main Wahan Se Phir Na Palat Saka
Woh Sambhal Gaya Mager Aaj Tak
Main Bikher K Phir Na Simat saka