Ab ke ehsaan jataney bhi nahin aya koi
Mein jo rootha tou manaey bhi na aya koi
Aik woh door ke soney bhi na dete they mujhe
Aik yeh waqt ke jaganey bhi na aya koi
Dag-magata tha tou sou hath lapakte they mujhe
Gir gaya hoon tou uthaney bhi nahin aya koi
Janey ahbab pe kya guzri, khuda kher kare
Arsay se neya zakham laganey nahin aya koi
Aese utra hoon dilon se ke hansaana tou kuja
Aik muddat se rulaney bhi nahi aya koi
Aik tou so baar, toota, jura, magar ab ke amin
Aesa toota ke bananey bhi nahin aya koi