Aasmaanon ne hum ko kia na dia
Dil magar hum ko bewafa na dia
Hum zamaanay ko dosh detay rahay
Zakham tum ne bhee kuch naya na dia
Ku-ba-khu naachti phiri khushbu
Phir bhe phoolon ne kuch gilaa na dia
Khwaab mein eik din milain ge agar
Tum ne yaadon ko bhee mita na dia
Saari daulat jahaan ko di hai magar
Dil mein rakha howa khudaa na dia
Hum ne ghar ko jalaa he lena tha
Tum ne acha kiaa, diya na dia
Zindagi se yehi shikaayat hai
Hum ko jeenay ka raasta na dia
Saaray manzar thay aas paas magar
Tum ne kiun khwaab se jagaa na dia
Bus ishaaron mein baat ki hai batool
Koi ilzaam barmalaa na dia