Khwaabon ka ik jahaan mujhe de gaya koi
Mitti ka ik makaan mujhe de gaya koi
Wo dil mein reh aya hai ke dil se utar gaya
Kitna ajab gumaan mujhe de gaya koi
Sehra pe apnay ghar ka pata likh gaya tha wo
Mit'ta howa nishaan mujhe de gaya koi
Maah-o-najoom noch ke, soraj bujha diya
Phir saara aasmaan mujhe de gaya koi
Kishti mein chaid osne kia aur oske baad
Kaaghaz ka baadbaan mujhe de gaya koi
Osne gulaab haath mein le kar kahaa batool
Khushbuu ka tarjumaan mujhe de gaya koi