Ta'alluq torna chaho
tum mujh ko chorna chaho
to meri shart hai itni
Tumhein jo de chukey hain hum
mujhay lotaa do woh sab kuch
Meray lamhein woh keemti lamhein
Jo tujh ko sochtey guzray
Woh pal jo ik qaamat they
Jo tumhara rasta dekhtey guzray
Khuda ko bhool kar woh din
Jo tujh ko poojtay guzray
kaho lota sako ge tum
hayaa ki chaandni de di
jiyaa ki ragni de di
Laboon ki chaashni de di
hina ki roshni de di
Tujhay to zindagi de di
Har ik apni khushi de di
To phir woh zindagi meri
Han bolo har khushi meri
Kaho lotaa sako ge tum
Agar mumkin ho aisa to
Ta'alluq tor lena tum
Bhalay phir chor dena tum