Kuch is tarah se ibaadat khafaa howi hum se
Namaaz-e-ishq bohat kam adaa howi hum se
Ghareeb aankhon mein aanso bhi ab nahi atay
Ilaahi reham ke phir kia khataa howi hum se
Hum ibtadaa he kahan naikyon ki thay ya rab
Tou phir gunaahon ki kiun intehaa howi hum se
Ye bad-naseebi hamaari hai kam howa aisay
Ke dushamanon ke bhi haq mein duaa howi hum se
Salook mout ka hum se na-jaanay kaisa ho
Ye zindagi tou bohat be-mazaa howi hum se
kahaan chupaayein ge mehshar mein khud ko aazar
Kahaan ataa'at-e-khair-ul-waraa howi hum se