Tuesday, November 20, 2012

Daaman-e-Koh K Manzar-e-Khaab Mein

Titliyaan, kanplain,run-o-boo or tu 
Chandni shaaeri or saboo or tu 

Daaman-e-koh manzar-e-khaab mein 
Roshni ho meray chaarsoo or tu 

Sandli sandli khaamshi or mein, 
Makhmali makhmali guftgoo or tu 

Es taraf ishq ki tashnagi or mein 
Us taraf husn ki aab-e-joo or tu 

Jis taraf dekhay aur kuch bhi nahin 
Sirf main or main, sirf tu or tu..