Kabhi bay simt ruston per chalo ik bar chaltay hain
Dikhai day koi manzil chalo ik bar chaltay hain
Yahan thum saa gaya hay waqt howa kya hay khuda janay
Jahan gardish main ho dunya chalo ik bar chaltay hain
Yohien daamun bechaaye intezaar-e-ghum main kya rehna
Kehien bay chain lumhonmain chalo ik bar chaltay hain
Budal kar daikh laitay hein hum apni zeest ka mausum
Jahan mausum budaltay hon chalo ik bar chaltay hain
Sunna hay koch karnay say budal jaati hein taqdeerein
Yaqeen rukhtay howay dil main chalo ik baar chaltay hain
Saja kar rakh leye hein dard jo hum nay naseebon main
Kisi goher-e-shifa k pass chalo ik bar chaltay hain
Saza ka ore jaza ka moamla chordo ab jaanay dau
Jahan na kharm hon sudyaan chalo ik bar chaltay hain
Tumhain koe ozer na ho tau,Ye shaukat ko bata daina
Wafa ka imtehaan hay ye chalo ik bar chaltay hain