Hamari aankahin bhi ho jaen khoobru aankhain
Hamari aankhon pe rakh de kabhi jo tun aankhain,
Hamaisha rehti hain teri talash main janaan,
Hamaisha kerti hain teri hi aarzu aankhain ,
Na janay konsay jalwon ki justju hai inhain,
Bhatak rahi hain faza main jo chaarsu ankhain,
Ye majza bhi to kuch kam nahi k shaam-o-sehar,
Tumharay hijer main rehti hain baa'wazu aankhain,
Tera firaw, teri justju, teri hasrat,
Ye zakhm zakhm tabasum lahuu lahuu aankhaim,
Naseeb mera bhi roshan ho surat-e-mehtab,
Kbhi jo ker dain mohabbat ko surkhru aankhain,
Bicher ke tujh say main zinda na reh sakoon shayad,
Na phairna kabhi meri taraf say tuu aankhain,
Tumhain jo choo lu'n to hathon say khushbuyen phutain,
Tumhain jo daikhoon to ho jaen khobru aankhain,
Jahan labon ko hilana bhi jurm ho zahid
Wahan isharon main kerti hain guftgu aankhain