Bohat khamoush reh kar wo sadaaein mujh ko deta tha
Bade bhar-pour jazboun ki qabaaen mujh ko deta tha
Kabhi jo dard ki aatish mujhay sulganay lagti thi
Wo apne saans ki mehki hawaaein mujh ko deta tha
Wo uski chahatain bhe sari duniya se anokhi thein
Riyazat khud wo karta tha jazaaen mujh ko deta tha
Meray ehsaas k seharaoun main jo dhop barhti thi
Wo mousam ka khuda ban kar gataain mujh ko deta tha
Usay main ajnabi samjha magar har mour par ramish
Wo apne naam ki sari duaaein mujh ko deta tha