Ajeeb Larki Ho

Tum ajeeb larki ho 

Aansuon ko peeti ho 

Zehar zindagi ke sub 

Sath le ke jeeti ho 

Chandni ke haalay ko 

Subha ke ujalay ko 

Roschni ke badal mein 

Jhilmilatay aanchal mein 

Baandh ke yun rakhti ho 

Tum ajeeb larki ho 

CHup ke aahain bharti ho 

Roshni se darti ho 

Apnay saray sapnon ko 

Yun chupa ke rakhti ho 

Jaisay saray khwabon per 

Ishq ke azabon per 

Bus tumhara hi huq hai 

Aisay baatain karti ho 

Tum ajeeb larki ho

 Khwab bunti rehti ho 

Khwab ke jharokon se 

Mujh ko takti rehti ho 

Un-ginat sawalon se 

Un-kahay jawabon se 

Bus ulajhti rehti ho 

Khwab daikhti bhi ho 

Tootnay se bhi darti ho 

Tum ajeeb larki ho 

Tum wafa ki baton per

Muskurati rehti ho 

Gehri gehri ankhon se 

Dur-ebeen nigahon se 

Sub ko dekha karti ho 

Aur sub se chup ke phir 

Aansu'n ko peeti ho 

Janay kaisay jeeti ho 

Tum ajeeb larki ho