Zara si der ko aaye the khaawb aankhon mein
Phir us ke bad musalsal azaab aankhon main
Wo jis ke nam ki nisbat se raushani tha wujood
Khattak rahaa hai wohi aaftab ankhon main
Jinhen mata-e-dil-o-jan samajh rahe the ham
Wo aaine bhi hue behijaab aankhon mein
Ajab tarah ka hai mausam k khak urti hai
Wo din bhi the k khile the gulaab aankhon mein
Mere ghazaal teri wahshaton ki khair , k hai
Bahut dinon se bahut iztaraab aankhon mein
Na jane kaisi qayaamat ka peshkema hai
Ye uljhanen teri be-intasaab aankhon mei