Meray muskan ke chaukhat per tum aa kar laut jaatay ho
Qadam laatay nehi aagaiy kaho ab kyun satatay ho
Tumhari chaap-e-paa sun kar hum oth kar baith jaatay hain
Batao neind sai hum ko tum aisay kyun jagatay ho
Abhi tau hum nai seekha hai furqat main saber karna
Humaray saber ke manzil ko itna kyun hilatay ho
Tumhain hum sai mohabbat hai gila hai yaa shikayat hai
Ye khud he faisla karlo humain kyun aazmatay ho
Bardi mushkil sai rakha hai qadam hum nay zamanay main
Meray mohsin meri koshish ko muskil kyun banatay ho
Sada hum nay tumhari zeest main dhoondi jaga apni
Ab apnay dil k derwazay ko khula kyun dikhatay ho
Tumhi nai taud dalaiy thay subhi rishtay mohabbat k
Na mehrum ban k jeenay ka saleeka kyun sikhatay ho
Shaukat qaid karlo ab khod ko tum faseelon main
Bheri duniya ko apna tum tamasha kyun dikhatay ho