Kahaan tha itna azaab ashna maira chehra
Jallay chiraagh tu bujhnay laga, maira chehra
Woh tairay hijar kay din woh safeer sadiyon kay
Tu un dinoon mein kabhi daikhta maira chehra
Judaiyoon kay safar mein rahay hain saath
Sada tairi talaash, zamany howa maira chehra
Mairay siwa koi itna udaas bhi tu na tha
Khizaan kay chaand ko acha laga maira chehra
Kitaab khool raha tha woh apnay maazi ke
Warq warq pay bikharta gaya maira chehra
Sehar kay noor say dhulti hoe tairi ankhain
Safar ke gard mein lipta howa maira chehra
Hawa ka akhri boosa tha ya qayamat thi
Badan ke shaakh say phir gr para maira chehra
Jissay bujha kay hawa soogwar phirti hai
Woh shama e shaam e safar thi keh maira chehra
Yeah loug kiyon mujhey pehchantay nahi Mohsin
Mein sochta hoon kahaan reh gaya maira chehra