Ye Aankh roney ki shiddat se laal thorhi hai
Malal hai magar itna malal thorhi hai
Bus apne wastey hi fikr-mand hai sab log..
Yahan kisi ko kisi ka khayal thorhi hai
Paron ko kaat dia hai urhan se pehle..
Ye khof-hijr hai,shoq-e-wisal thorhi hai
Maza to jab hai k haar k bhi hanstey raho..
Hamaisha jeet hi jana kamal thorhi hai
Lagani parhti hai dubki ubharney se pehley
Gharoob honey ka matlab zawal thorhi hai