Khayalon main faqat ek sholah e awaaz baki hay
Na koi geet baki hay na koi saaz baki hai
Sab apney bheyd ham nay faash kar daalay zamanay par
Magar jo tuj sey kehna tha wohi ek raaz baki hai
Khudaawand hamien phir sey nai ek zindagi dey dey
Bareeda par hain lekin hasraat e parwaaz baki hai
Nazar main raat k pichlay pehar jesi khamoshe hay
Magar dil k dharakne ka wohi andaaz baaki hai
Qateel is ehd-bey-maani main lafzon ka hay yeh aalam
Ke maani ho gaye rukhst faqat awaaz baki hai