Mohabbat Ke Qisay Wafa Ki Kahani

Mohabbat ke qisay wafa ki kahani,
Guzari hai mar mar ke ye zindgani, 

Teri qurbaton say teri chahton se 

Dil-e-muztarib ko milay shaadmani, 

Parinday jo oncha urain maar daina,

Chali aa rahi hain ye rasmain purani, 

Jo chahtay se bachay ki aeyrri se phoota, 

Wo kitna muqadas hai zam zam ka paani, 

Rawa zulm mazloom per tum na rakhna 

Naheen hai kisi ki ye dunya hai fani, 

Wo khud bhokay reh ker khilatay hain sub ko 

Yahi mominon ki hai pakki nishani, 

Zamana sitam jis qader chahay ker lay 

Na chotay gi mujh say haqiqat bayani, 

Sanwer jaye bachon ki qismat yaqeenan,

Sunayen jo aslaaf ki hum kahani, 

Ho salman ager apna emaan pukhta 

To phi dekhiye apni shola bayani...