Dard jeet jata hai...
Log milty julty hain
Sath sath chalty hain
Sath sath chalne main
ranjishein bi hoti hain
Ranjishon main bi lakin
Chahatein bi hoti hain
Chahaton ki bi har pal
Ik ajab kahani hai
Hot hansty rehty hain
Ankhein bheeg jati hain
Bheegi si nigahon main
Khuwab jalty bujty hain
Dard ke is safar main kuch
Aisy mor bi aty hain
Sath choot jaty hain
Kircheian uthaney main
Waqt beet jata hai
Dard jeet jata hai.