Saal-e-Nou Ki Dua
Hai tmnaa k saal-e-nou tujh ko
Har musarat se him kinara karey
Khil uthein phool tere angan mein
Tu ager khuwahish -e- bahaar karey
Muskurahat laboun pe ho raqsaa'n
Sara alam tujh hi sey piyaar karey
Tujh se har ranj door hojaye
Har khushi tujh pe jaan nisaar karey
Tere aangan mein qaafley utrein
Jhilmilatey hoye sitaroun key
Ho key bey ikhteyaar uth jayein
Teri janib qadam bharoun key
Har nayi subha tere daman mein
Chahatoun key gulaab bhar jaye
Har haseen shaam apni raanayi
Tere khuwaboun key naam kr jaye
Dekh k tere rukh ki shadaabi
Rang-e-qous-e-qizah nikhar jaye
Muskurati sdaa hayaat rahey
Tere qadmoun mein kayinaat rahey
Gam na dil mein kabhi ujagar ho
Shaadmani tera muqadar ho
Aaney waley dino ki tabani
Janey waly dino say barh kr ho