Badan ke donon kinaaron se jal raha houn main
Ke chuu raha houn tujhe,aur pighal raha houn main
Tujhi pe khatam hai jaanaan meri zavaal ki raat
Tu ab tulu bhi ho jaa,ke dhal raha houn main
Bulaa rahaa hai miraa jaamma-zeb milne ko
To aaj pairahan-e-jaan badal raha houn main
Ghubaar-e-rahguzar kaa ye hausla bhi to dekh
Havaa-e-taazaa tire saath chal raha houn main
Main khwaab dekh raha houn ke wo pukaarta hai,
Aur apne jism se bahar nikal raha houn main