Dukh dard kay maaron say mera zikar na karna,
Ghar jao toh yaaron say mera zikar na karna
Woh zabt na kar paayein gi aankhon kay samandar
Tum raah guzaaron say mera zikar na karna
Phoolon kay nasheman mein raha hoon mein sadaa say
Daikho kabhi khaaron say mera zikar na karna
Shayed yeh anderay hi mujhe raah dikhayein
Ab chaand sitaaron say mera zikar na karna
Woh meri kahani ko ghalat rung na day dein
Afsana nigaaron say mera zikar na karna
Shayae woh meray haal pay be-shakhta roh dein
Is baar bahaaron say mera zikar na karna
Lay jaayein gi gehraai mein tum ko bhi baha kar
Darya kay kinaron say mera zikar na karna
Woh shaks milay toh usay har baat batana,
Tum sirf ishaaron say mera zikar na karna